వైసీపీ ‘డిజిటల్ బుక్‌’కు తొలి షాక్.. మాజీ మంత్రి రజనిపై ........ ఫిర్యాదు

     Main headlines ; 

1. జగన్ ప్రారంభించిన ‘డిజిటల్ బుక్’ యాప్ పార్టీకి సమస్యగా మారింది

• వైఎస్సార్ కాంగ్రెస్ పార్టీ కార్యకర్తలకు న్యాయం కల్పించాలన్న లక్ష్యంతో జగన్ ఈ యాప్‌ను ప్రారంభించారు. అయితే అదే యాప్ ఇప్పుడు పార్టీకి చెడుపేర్చే అంశంగా మారింది.

2. మొదటి ఫిర్యాదు మాజీ మంత్రి విడదల రజనిపై

• ‘డిజిటల్ బుక్’ యాప్‌లో వచ్చిన తొలి ఫిర్యాదు వైసీపీకి చెందిన మాజీ మంత్రి విడదల రజనిపై నమోదైంది, ఇది రాజకీయంగా తీవ్ర చర్చనీయాంశంగా మారింది.

3. రావు సుబ్రహ్మణ్యం చేసిన ఫిర్యాదు

• నవతరం పార్టీ జాతీయ అధ్యక్షుడు రావు సుబ్రహ్మణ్యం తనపై జరిగిన దాడికి రజనే బాధ్యతవహించాలంటూ ఫిర్యాదు చేశారు.

4. దాడి 2022లో చిలకలూరిపేటలో జరిగింది

• పల్నాడు జిల్లా చిలకలూరిపేటలో 2022లో తన ఇంటిపై, పార్టీ ఆఫీసు, వాహనం పై దాడి జరిగిందని సుబ్రహ్మణ్యం ఆరోపించారు.

5. ఫిర్యాదు చేసిన వెంటనే టికెట్‌ను మీడియాకు చూపించారు

• డిజిటల్ బుక్ యాప్‌లో ఫిర్యాదు చేసిన తర్వాత వచ్చిన కంప్లైంట్ టికెట్‌ను ఆయన మీడియా ముందుంచారు, దీని వల్ల ఈ విషయం మరింతగా హైలైట్ అయింది.

6. వైసీపీ ఎలా స్పందిస్తుంది?

• సొంత పార్టీ నేతపై వచ్చిన ఫిర్యాదుతో వైసీపీ నేతత్వం ఎలా స్పందిస్తుందన్న ఉత్కంఠ ఏర్పడింది. ఈ పరిణామం రాజకీయ దృష్టికోణంలో సంక్లిష్టంగా మారింది.

పూర్తి వివరాల్లోనికి వస్తే ; 

వైఎస్సార్ కాంగ్రెస్ పార్టీ అధినేత వైఎస్ జగన్ ప్రతిష్టాత్మకంగా ప్రారంభించిన ‘డిజిటల్ బుక్’ యాప్ ఇప్పుడు అదే పార్టీకి తలనొప్పిగా మారుతోంది. పార్టీ కార్యకర్తలకు అన్యాయం జరిగితే ఫిర్యాదు చేయాలనే ఉద్దేశంతో అందుబాటులోకి తీసుకొచ్చిన ఈ ప్లాట్‌ఫామ్ మీద మొదటి ఫిర్యాదే తీవ్ర దుమారం రేపుతోంది. వైసీపీకి చెందిన మాజీ మంత్రి విడదల రజనిపైనే మొదటి ఫిర్యాదు నమోదయ్యిందన్న విషయం ఇప్పుడు చర్చనీయాంశంగా మారింది. తనపై దాడి జరగిందని, దీనికి ఆమెనే కారణమని నవతరం పార్టీ జాతీయ అధ్యక్షుడు రావు సుబ్రహ్మణ్యం ఈ ఫిర్యాదులో పేర్కొన్నట్లు సమాచారం.

వివరాల్లోకెళ్తే… 2022లో పల్నాడు జిల్లాలోని చిలకలూరిపేటలో తన నివాసం, పార్టీ ఆఫీస్, వాహనం పైన తాడిత్మకంగా దాడి జరిగిందని, ఆ దాడికి అప్పటి మంత్రి విడదల రజినే కారణమని రావు సుబ్రహ్మణ్యం ఆరోపిస్తున్నారు. ఈ ఘటనకు సంబంధించి తనకు న్యాయం చేయాలని కోరుతూ, ఆయన తాజాగా వైసీపీ ప్రారంభించిన ‘డిజిటల్ బుక్’ యాప్‌ ద్వారా మళ్లీ ఫిర్యాదు చేశారు. ఫిర్యాదు నమోదు అయిన వెంటనే జెనరేట్ అయిన కంప్లైంట్ టికెట్‌ను ఆయన మీడియా ముందు ఉంచారు.

ఈ సందర్భంగా సుబ్రహ్మణ్యం మాట్లాడుతూ, “మాజీ మంత్రి విడదల రజనిపై తగిన చర్యలు తీసుకుని నాకు న్యాయం కలిపించాలని సీఎం జగన్‌ గారిని అభ్యర్థించాను. నా ఫిర్యాదుపై నిజాయితీగా విచారణ జరిగితే, జగన్‌ గారు పేర్కొన్నట్లుగా ఈ ‘డిజిటల్ బుక్’ యాప్‌ ద్వారా కార్యకర్తలకు నిజమైన న్యాయం అందుతుందనే విశ్వాసం పెరుగుతుంది” అని తెలిపారు.

టీడీపీ నేతలు తమపై దాడులు చేస్తున్నారనీ, వేధింపులకు గురిచేస్తున్నారన్న ఆరోపణలు వస్తున్న నేపథ్యంలో, వైసీపీ కార్యకర్తలకు మద్దతుగా నిలవాలనే ఉద్దేశంతో సీఎం జగన్ ‘డిజిటల్ బుక్’ యాప్‌ను ప్రారంభించారు. ఇది పార్టీ కార్యకర్తలకు రక్షణగా నిలుస్తుందని చెబుతూ, అధికారంలోకి వచ్చిన తర్వాత ప్రతి ఒక్కరికి న్యాయం చేస్తామని హామీ ఇచ్చారు.

కానీ ఇప్పుడు అదే యాప్ ద్వారా వైసీపీకి చెందిన మాజీ మంత్రిపైనే ఫిర్యాదు నమోదు కావడం, రాజకీయంగా కాస్త సంక్లిష్ట పరిస్థితిని తీసుకొచ్చింది. ఈ పరిణామంపై వైసీపీ నాయకత్వం ఎలా స్పందిస్తుందన్న ఆసక్తి ఇప్పుడు అందరిలోనూ కనిపిస్తోంది.