హైదరాబాద్‌లో 248 అప్రెంటిస్ ఉద్యోగాలు.. అప్లై చేయకపోతే ఛాన్స్ మిస్ అవుతుందా?

హైదరాబాద్‌లో ఉద్యోగం కోసం ఎదురుచూస్తున్న యువతకు ఇది మంచి అవకాశం. కేంద్ర ప్రభుత్వ సంస్థ అయిన ఎలక్ట్రానిక్స్ కార్పొరేషన్ ఆఫ్ ఇండియా లిమిటెడ్ (ECIL) అప్రెంటిస్ పోస్టుల భర్తీకి నోటిఫికేషన్ విడుదల చేసింది. మొత్తం 248 గ్రాడ్యుయేట్ ఇంజినీరింగ్, డిప్లొమా అప్రెంటిస్ పోస్టులను భర్తీ చేయనున్నారు. ముఖ్యంగా ఈ ఉద్యోగాలకు అప్లై చేయడానికి ఎల్లుండే చివరి తేదీ కావడంతో అభ్యర్థులు వెంటనే దరఖాస్తు చేసుకోవాల్సిన అవసరం ఉంది.

ఈసీఐఎల్ హైదరాబాద్ కేంద్రంగా పనిచేస్తున్న ప్రముఖ ప్రభుత్వ సంస్థ. టెక్నికల్ రంగంలో కెరీర్ ప్రారంభించాలనుకునే అభ్యర్థులకు ఇక్కడ అప్రెంటిస్‌గా పని చేయడం మంచి అనుభవాన్ని ఇస్తుంది. ఈ నోటిఫికేషన్ ద్వారా ఇంజినీరింగ్ పూర్తి చేసిన గ్రాడ్యుయేట్లు, డిప్లొమా అర్హత కలిగిన యువతకు అవకాశం కల్పించారు.

ఈ పోస్టులకు దరఖాస్తు చేసుకునే వారు ముందుగా NATS (National Apprenticeship Training Scheme) పోర్టల్‌లో రిజిస్ట్రేషన్ చేసుకోవాలి. NATS రిజిస్ట్రేషన్ లేకుండా అప్లికేషన్ చేయడం సాధ్యం కాదు. అందువల్ల అర్హత ఉన్నవారు ముందుగా ఆ ప్రక్రియను పూర్తి చేయాలని అధికారులు సూచిస్తున్నారు.

వయస్సు పరిమితి విషయానికి వస్తే, అభ్యర్థుల గరిష్ఠ వయస్సు 25 సంవత్సరాలు ఉండాలి. రిజర్వేషన్ ఉన్న అభ్యర్థులకు కేంద్ర ప్రభుత్వ నిబంధనల ప్రకారం వయోసడలింపు వర్తిస్తుంది. ఈ ఉద్యోగాలకు ఎలాంటి రాత పరీక్ష లేదా ఇంటర్వ్యూ నిర్వహించరు. అకడమిక్ మెరిట్ ఆధారంగానే ఎంపిక జరుగుతుంది. అంటే, అభ్యర్థులు చదువులో సాధించిన మార్కులే ఎంపికలో కీలక పాత్ర పోషిస్తాయి.

ఈ పోస్టులకు సంబంధించిన ప్రొవిజినల్ సెలెక్షన్ లిస్ట్‌ను జనవరి 23న ప్రకటించనున్నారు. ఎంపికైన అభ్యర్థులకు ECILలో అప్రెంటిస్‌గా పని చేసే అవకాశం లభిస్తుంది. అప్రెంటిస్ కాలంలో అభ్యర్థులకు నెలవారీగా స్టైపెండ్ కూడా అందజేస్తారు. ఇందులో గ్రాడ్యుయేట్ అప్రెంటిస్లకు నెలకు రూ.9,000, డిప్లొమా అప్రెంటిస్లకు నెలకు రూ.8,000 చొప్పున చెల్లిస్తారు.

ప్రభుత్వ రంగంలో అనుభవం సంపాదించాలనుకునే యువతకు ఇది మంచి అవకాశంగా చెప్పవచ్చు. ముఖ్యంగా భవిష్యత్తులో ప్రభుత్వ, ప్రైవేట్ ఉద్యోగాలకు అప్లై చేసే సమయంలో ఈ అప్రెంటిస్ అనుభవం ఎంతో ఉపయోగపడుతుంది.

ఈ ఉద్యోగాలకు సంబంధించిన పూర్తి వివరాలు, అర్హతలు, అప్లికేషన్ విధానం తెలుసుకోవాలంటే అభ్యర్థులు ECIL అధికారిక వెబ్‌సైట్‌ను సందర్శించాలి. చివరి తేదీ దగ్గర పడుతున్నందున అర్హత ఉన్నవారు ఆలస్యం చేయకుండా వెంటనే దరఖాస్తు చేసుకోవాలని సూచిస్తున్నారు.