ట్రక్కులు 3% మాత్రమే… కానీ దేశ కాలుష్యంలో సగం వాటా!

ఇండియన్ రోడ్లపై తిరిగే వాహనాల్లో ట్రక్కుల సంఖ్య కేవలం 3 శాతం మాత్రమే ఉన్నప్పటికీ, అవే దేశంలో సగానికి పైగా వాయు కాలుష్యానికి కారణమవుతున్నాయని తాజా అధ్యయనాలు వెల్లడిస్తున్నాయి. ముఖ్యంగా పదేళ్లకు పైబడిన పాత డీజిల్ ట్రక్కులు పరిస్థితిని మరింత విషమం చేస్తున్నాయి. వీటి నుంచి విడుదలయ్యే హానికర వాయువుల్లో 60 శాతం వరకు బ్లాక్ కార్బన్, 70 శాతం వరకు నైట్రోజన్ ఆక్సైడ్ ఉద్గారాలు నమోదవుతున్నాయని నిపుణులు చెబుతున్నారు.

Indiaలో వేగంగా పెరుగుతున్న రవాణా అవసరాలు, సరుకు రవాణా కోసం భారీ వాహనాలపై ఆధారపడటం వల్ల కాలుష్య సమస్య మరింత పెరిగే ప్రమాదం ఉందని హెచ్చరికలు వస్తున్నాయి. సరైన ఎమిషన్ నియంత్రణలు లేకపోవడం, పాత వాహనాలను రోడ్లపై కొనసాగించడం, నాణ్యతలేని ఇంధన వినియోగం వంటి అంశాలు కూడా పరిస్థితిని తీవ్రతరం చేస్తున్నాయి.

పర్యావరణ నిపుణుల అంచనాల ప్రకారం 2030 నాటికి రవాణా రంగం నుంచి వెలువడే కాలుష్యం మొత్తం కాలుష్యంలో 35 శాతానికి చేరుకునే అవకాశం ఉంది. ఈ నేపథ్యంలో పాత డీజిల్ ట్రక్కులను దశలవారీగా తొలగించడం, ఎలక్ట్రిక్ లేదా తక్కువ కాలుష్య వాహనాలను ప్రోత్సహించడం, కఠినమైన ఎమిషన్ ప్రమాణాలను అమలు చేయడం అత్యవసరమని సూచిస్తున్నారు. లేకపోతే పట్టణాల గాలి నాణ్యత మరింత దిగజారే ప్రమాదం ఉందని నిపుణులు ఆందోళన వ్యక్తం చేస్తున్నారు.