పెద్ది రిలీజ్‌కు ముందే రికార్డ్ బిజినెస్.. ₹150 కోట్లకు పైగా డీల్స్!

రిలీజ్‌కు ముందే భారీ బిజినెస్ సాధించడం స్టార్ హీరో సినిమాలకు సాధారణమే అయినా, ఈసారి మాత్రం ట్రేడ్ వర్గాల్లో ప్రత్యేకంగా చర్చ జరుగుతోంది. మెగా పవర్ స్టార్ రామ్ చరణ్ హీరోగా, దర్శకుడు బుచ్చిబాబు సానా దర్శకత్వంలో తెరకెక్కుతున్న ‘పెద్ది’ చిత్రం నాన్-థియేట్రికల్ రైట్స్ విషయంలో సంచలనం సృష్టిస్తోందని సమాచారం. విడుదలకు ఇంకా సమయం ఉండగానే ఈ సినిమా భారీ మొత్తాలకు అమ్ముడవుతోందన్న వార్తలు ఇండస్ట్రీలో హాట్ టాపిక్‌గా మారాయి.

ట్రేడ్ వర్గాల ప్రకారం, ఈ చిత్రానికి సంబంధించిన డిజిటల్ హక్కులను ప్రముఖ ఓటీటీ సంస్థ Netflix సుమారు ₹130 కోట్ల భారీ మొత్తానికి సొంతం చేసుకున్నట్లు టాక్ వినిపిస్తోంది. ఇదే సమయంలో ఆడియో హక్కులు కూడా దాదాపు ₹18 కోట్లకు అమ్ముడైనట్లు సమాచారం. శాటిలైట్ హక్కులు కలిపితే, థియేటర్లలో విడుదలకు ముందే మొత్తం నాన్-థియేట్రికల్ బిజినెస్ ₹150 కోట్లకు పైగా చేరే అవకాశముందని ట్రేడ్ నిపుణులు అంచనా వేస్తున్నారు.

ఏప్రిల్ 30న గ్రాండ్‌గా విడుదల కానున్న ఈ చిత్రం, స్పోర్ట్స్ బ్యాక్‌డ్రాప్‌తో పాటు భావోద్వేగ అంశాలు కలగలిపిన కథతో ప్రేక్షకుల ముందుకు రానుంది. ఇప్పటికే పోస్టర్లు, గ్లింప్స్‌కు మంచి స్పందన రావడం కూడా బిజినెస్ పెరగడానికి ప్రధాన కారణమని విశ్లేషకులు చెబుతున్నారు. భారీ అంచనాల మధ్య వస్తున్న ఈ సినిమా బాక్సాఫీస్ వద్ద ఎలాంటి రికార్డులు సృష్టిస్తుందో చూడాలి.