మరియా కొరినా మచాడోకు నోబెల్ శాంతి బహుమతి: వెనిజులా ప్రజాస్వామ్య పోరాటానికి గౌరవం

   Main headlines ; 

• మరియా కొరినా మచాడోకు నోబెల్ శాంతి బహుమతి
  వెనిజులా ప్రజల హక్కుల కోసం చేసిన నిరంతర పోరాటానికి ఆమెకు ఈ గౌరవం నార్వేజియన్ నోబెల్ కమిటీ అందజేసింది.

• ప్రజాస్వామ్య పరిరక్షణలో కీలక పాత్ర
  మరియా కొరినా వెనిజులాలో నియంతృత్వాన్ని ప్రజాస్వామ్యంగా మార్చడానికి శాంతియుత మార్గంలో చేసిన పోరాటానికి గుర్తింపు పొందింది.

• ప్రతిపక్షాలను ఏకీకృతం చేయడం
  విభజించబడిన ప్రతిపక్షాలను మళ్లీ ఏకీకృతం చేయడంలో ఆమె నాయకత్వం కీలకం అయ్యింది.

• జీవితాన్ని సన్మార్గంలో గడపడం
  తన ప్రాణాలకు ప్రమాదం ఉన్నప్పటికీ వెనిజులాలోనే ఉండి ప్రజాస్వామ్య పోరాటాన్ని కొనసాగించింది.

• వెనిజులా ఆర్థిక, మానవతా సంక్షోభం
  ఒకప్పుడు ప్రజాస్వామ్య సమృద్ధి కలిగిన వెనిజులా ఇప్పుడు తీవ్రమైన దారిద్ర్యం, నిరంకుశ పాలనతో బాధపడుతోంది.

• నోబెల్ బహుమతుల వివరాలు
  డిసెంబర్ 10న నోబెల్ అవార్డులను అందజేస్తారు, ప్రతి అవార్డుకు సుమారు 10 లక్షల డాలర్లు (రూ. 8.8 కోట్లు) నగదు బహుమతిగా ఇస్తారు. 

పూర్తి వివరాల్లోనికి వస్తే ;

ప్రపంచంలో అత్యంత గౌరవనీయమైన నోబెల్ అవార్డుల ప్రకటనలు జరుగుతున్నాయి. ఇప్పటి వరకు మెడిసిన్, ఫిజిక్స్, కెమిస్ట్రీ, సాహిత్యం రంగాల్లో నోబెల్ విజేతలను ప్రకటించారు. ఇక్కడే తాజాగా నోబెల్ శాంతి బహుమతి కూడా ప్రకటించారు. ఈ ఏడాది నోబెల్ శాంతి బహుమతి వెనిజులా పార్లమెంట్ సభ్యురాలు మరియా కొరినా మచాడోకు అందింది. వెనిజుల ప్రజల కోసం ఆమె చేసిన నిరంతర కృషి మరియు వారి హక్కుల పరిరక్షణకు గాను ఆమెకు ఈ గౌరవం ఇచ్చినట్టు నార్వేజియన్ నోబెల్ కమిటీ తెలిపింది.

వెనిజులా ప్రజల ప్రజాస్వామ్య హక్కులను మెరుగు పరచడంలో మరియా కొరినా మచాడో చేసిన నిరంతర ప్రయత్నం... దాంతో అక్కడి నియంతృత్వ పరిపాటిని ప్రజాస్వామ్యానికి మార్చేందుకు శాంతియుత మార్గంలో జరిగిన పోరాటానికి ఈ ప్రత్యేక గౌరవం దక్కింది. మరియా కొరినాను వెనిజులాలో ‘స్టీల్ లేడీ’ అని కూడా పిలుస్తారు. ప్రస్తుతం ఆమె వెనిజులా పార్లమెంట్‌లో ప్రతిపక్ష నాయకురాలిగా వ్యవహరిస్తున్నారు.

వెనిజులాలో ఒకప్పుడు విభజించబడిన ప్రతిపక్షాలను మళ్ళీ ఏకీకృతం చేయడంలో మారియా కొరినా మచాడో కీలక పాత్ర పోషించినట్లు నార్వేజియన్ నోబెల్ కమిటీ ఛైర్మన్ జోర్గెన్ వాట్నే ఫ్రైడ్నెస్ వివరించారు. స్వేచ్ఛాయుత ఎన్నికలు మరియు ప్రజాస్వామ్య ప్రభుత్వ స్థాపన కోసం వెనిజులాలోని ప్రతిపక్ష పార్టీలను ఏకమై పోరాడేందుకు ఆమె నాయకత్వం వహించారని చెప్పారు. గత సంవత్సరాలుగా తన ప్రాణాలకు తీవ్రమైన ప్రమాదం ఎదురయ్యినా, దాచిపెట్టుకోకుండా వెనిజులాలోనే ఉండి నిరంతరం పోరాడినట్లు కమిటీ తెలిపింది. ఆమెను నోబెల్ శాంతి బహుమతికి ఎంపిక చేయడం కోట్లాది ప్రజలకు స్ఫూర్తిగా మారిందని కమిటీ వెల్లడించింది. అధికార నియంతృత్వం కబళించిన సందర్భాల్లో ధైర్యంగా నిలబడే, ప్రతిఘటించే స్వేచ్ఛా రక్షకులను గుర్తించడమే చాలా అవసరం అని కమిటీ అభిప్రాయపడ్డది.

వెనిజులాలో ‘ఇరన్ లేడీ’గా ప్రసిద్ధి చెందిన మరియా కొరినా మచాడో, ప్రజాస్వామ్య ఉద్యమానికి నేతృత్వం వహించి, లాటిన్ అమెరికాలో ప్రజల సాహసానికి గొప్ప మార్గదర్శకురాలిగా నిలిచారు. ఒకప్పుడు ప్రజాస్వామ్యంతో మరియు సమృద్ధితో ప్రసిద్ధి చెందిన వెనిజులా, ఇప్పుడు మానవతా, ఆర్థిక సంక్షోభాలతో బాధపడే కఠినమైన, నిరంకుశ దేశంగా మారింది. అక్కడి ప్రజల పెద్ద భాగం తీవ్రమైన దారిద్ర్యంలో జీవించగా, శాసన సమితిలో ఉన్న కొద్దిమంది మాత్రమే అధిక సంపద సంతరించుకుంటున్నారు.