మహారాష్ట్రలో ఘోర ప్రమాదం: ఫ్లైఓవర్‌పై కారు అదుపు తప్పి నలుగురు మృతి

మహారాష్ట్రలోని ఠాణే జిల్లా అంబర్‌నాథ్ ఫ్లైఓవర్‌పై ఈ రోజు ఉదయం భారీ ప్రమాదం సంభవించింది. కారు నడుపుతున్న సమయంలో డ్రైవర్‌కు అకస్మాత్తుగా గుండెపోటు రావడంతో వాహనం అదుపు తప్పి ముందుకు దూసుకెళ్లింది.

కారు నియంత్రణ కోల్పోవడంతో ఎదురుగా వస్తున్న బైకులపైకి వెళ్లి ఢీకొట్టింది. ఆ ప్రభావంతో ఒక బైకర్ గాల్లోకి ఎగిరి ఫ్లైఓవర్ పైనుంచి కింద పడిపోయాడు. ఈ ఘటనను చూసిన ప్రజలు ఒక్కసారిగా షాక్‌కు గురయ్యారు.

ఈ ప్రమాదంలో కారు డ్రైవర్‌తో పాటు మరో ముగ్గురు వ్యక్తులు అక్కడికక్కడే మృతిచెందారు. శివసేన స్థానిక ఎన్నికల అభ్యర్థి కిరణ్ చాబే ప్రచారం కార్యక్రమం ముగించుకుని తిరిగి వస్తుండగా ప్రమాదం జరిగింది. ఆయనతో పాటు మరికొందరికి గాయాలు కాగా, వారిని స్థానిక ఆసుపత్రికి తరలించారు.

ప్రమాదం జరిగిన తీరు రోడ్డు మీద ఉన్న CCTV వీడియోల్లో రికార్డ్ అయ్యింది. ఆ దృశ్యాలు చూస్తే ప్రమాదం ఎంత భయానకంగా జరిగిందో అర్థమవుతుంది.

సీసీటీవీ ఫుటేజ్

డ్రైవర్ గుండెపోటుకు గురవ్వడంతో బైక్‌లపైకి దూసుకెళ్లిన కారు.. నలుగురు మృతి

మహారాష్ట్ర - ఠాణే జిల్లా అంబర్ నాథ్ ఫ్లైఓవర్‌పై ఘటన

శివసేన పార్టీకి చెందిన స్థానిక ఎన్నికల అభ్యర్థి కిరణ్ చాబే ప్రచారం నుండి తిరిగి వస్తుండగా గుండెపోటుకు గురైన కారు డ్రైవర్

దీంతో బైక్… pic.twitter.com/97LkPUwQEy — Telugu Scribe (@TeluguScribe) November 22, 2025