ఆపరేషన్‌కు ముందు చివరి కోరిక… 96 ఏళ్ల వృద్ధుడి

96 ఏళ్ల వృద్ధుడి చివరి కోరిక వైద్యులను కూడా కాసేపు ఆలోచింపజేసింది. గుండెకు సంబంధించిన అత్యంత ప్రమాదకర శస్త్రచికిత్సకు సిద్ధమవుతున్న ఆయన, ఆపరేషన్‌కు ముందు ఒక అనూహ్యమైన అభ్యర్థన చేశారు. “శస్త్రచికిత్స తర్వాత బతికే ఉంటానో లేదో తెలియదు… కనీసం చివరిసారి ఒక సిగరెట్ తాగాలనుకుంటున్నాను” అని వైద్యులను కోరారు. దాదాపు 80 సంవత్సరాలుగా ధూమపానం అలవాటు ఉన్న ఆయన భావోద్వేగాన్ని చూసిన డాక్టర్లు మొదట సంకోచించినప్పటికీ, చివరికి అతని మనసును గౌరవించాలని నిర్ణయించారు. ప్రాణాపాయం ఉన్న పరిస్థితిలో కూడా రోగి మానసిక స్థితి ముఖ్యమని భావించి అనుమతి ఇచ్చారు.

ఆపరేషన్ థియేటర్‌కు తీసుకెళ్లే ముందు ఆయన ప్రశాంతంగా కూర్చుని సిగరెట్ తాగుతూ కనిపించిన దృశ్యం అక్కడున్న వారిని కదిలించింది. కొందరు వైద్య సిబ్బంది ఇది భావోద్వేగ క్షణమని చెప్పగా, మరికొందరు అతని ధైర్యాన్ని ప్రశంసించారు. ఈ సంఘటనకు సంబంధించిన వీడియో ప్రస్తుతం సోషల్ మీడియాలో విపరీతంగా వైరల్ అవుతోంది. నెటిజన్లు కూడా విభిన్నంగా స్పందిస్తున్నారు. కొందరు వైద్యుల మానవత్వాన్ని మెచ్చుకుంటే, మరికొందరు ఆరోగ్యపరమైన ప్రమాదాలను ప్రస్తావిస్తున్నారు. ఏదేమైనా, జీవితంలో చివరి కోరికలు ఎంత విలువైనవో ఈ ఘటన మరోసారి గుర్తుచేసింది