నటుడు విజయ్‌పై పోలీసులకు ఫిర్యాదు

 Main headlines

1. విజయ్‌కు రాజకీయ రంగప్రవేశంలో మొదటి ఎదురుదెబ్బ

ప్రముఖ తమిళ నటుడు విజయ్ ఇటీవల తన రాజకీయ పార్టీ ‘తమిళగ వెట్రి కళగం’ (టీవీకే)తో రాజకీయాల్లోకి అడుగుపెట్టగా, తొలి వివాదంలో ఇరుక్కున్నారు.

2. స్టాలిన్‌పై వివాదాస్పద వ్యాఖ్యలు చేసిన ఆరోపణ

సెప్టెంబర్ 20న విజయ్ చేసిన ప్రసంగంలో ముఖ్యమంత్రి ఎం.కే. స్టాలిన్‌తో పాటు ఆయన కుటుంబ సభ్యులపై అవమానకరమైన వ్యాఖ్యలు చేశారని ఆరోపణలు వచ్చాయి.

3. డీఎంకే న్యాయవాది ఫిర్యాదు

డీఎంకేకి చెందిన న్యాయవాది ఎన్. మురళీ కృష్ణన్, తిరుచ్చి ఎస్పీ కార్యాలయంలో విజయ్‌పై ఫిర్యాదు దాఖలు చేశారు. ఆయన వ్యాఖ్యలు శాంతి భద్రతలకు ముప్పుగా మారే అవకాశం ఉందని ఆరోపించారు.

4. చట్టపరమైన చర్యల డిమాండ్

విజయ్‌పై వెంటనే కేసు నమోదు చేసి చట్టపరంగా చర్యలు తీసుకోవాలని డిమాండ్ చేయడం రాజకీయంగా ఉద్రిక్తతకు దారితీసింది.

5. ఎన్నికల ముందు రాజకీయ ప్రాధాన్యత

2026లో జరగనున్న తమిళనాడు అసెంబ్లీ ఎన్నికల నేపథ్యంలో ఈ ఘటనకు రాజకీయంగా ప్రాధాన్యత ఏర్పడింది.

6. విజయ్‌కు రాజకీయ పరంగా ఇబ్బందులు?

తన రాజకీయ ప్రయాణాన్ని ప్రారంభించిన విజయ్‌కు ఇది మైనస్‌గా మారే అవకాశముందని రాజకీయ విశ్లేషకులు భావిస్తున్నారు.

తమిళ రాజకీయాల్లోకి వచ్చిన విజయ్‌కు తొలి షాక్ – సీఎం స్టాలిన్‌ను నిందించారా?

తాజాగా రాజకీయ రంగప్రవేశం చేసిన ప్రముఖ తమిళ హీరో, 'తమిళగ వెట్రి కళగం' (టీవీకే) పార్టీ అధినేత విజయ్‌కు మొదటి పరాజయం ఎదురైంది. తమిళనాడు ముఖ్యమంత్రి ఎం.కే. స్టాలిన్‌పై చేసిన వ్యాఖ్యలు వివాదాస్పదంగా మారాయి. స్టాలిన్‌తో పాటు ఆయన కుటుంబ సభ్యుల పరువు తీశారంటూ డీఎంకే న్యాయవాది ఎన్. మురళీ కృష్ణన్ పోలీసులకు ఫిర్యాదు చేశారు. తిరుచ్చిలోని ఎస్పీ కార్యాలయంలో ఈ ఫిర్యాదు దాఖలైంది.

విజయ్ వ్యాఖ్యలు స్టాలిన్ కుటుంబాన్ని కించపరిచేలా ఉన్నాయని, ఇది చట్టపరంగా శిక్షార్హమంటూ ఆయన ఫిర్యాదులో పేర్కొన్నారు. రాజకీయ ప్రవేశం చేసిన మొదటి రోజుల్లోనే ఇలా ఫిర్యాదులు రావడం విజయ్‌కు చిన్న షాకే అని రాజకీయ వర్గాల్లో చర్చనీయాంశంగా మారింది.

 పూర్తి వివరాల్లోనికి వస్తే ;

విజయ్‌పై తీవ్ర ఆరోపణలు – "స్టాలిన్‌ను అవమానించారు" అనే అభియోగం

డీఎంకే న్యాయవాది ఎన్. మురళీ కృష్ణన్ దాఖలు చేసిన ఫిర్యాదులో పేర్కొన్న వివరాల ప్రకారం, సెప్టెంబర్ 20వ తేదీ మధ్యాహ్నం 12 గంటల సమయంలో విజయ్ చేసిన ప్రసంగంలో ముఖ్యమంత్రి స్టాలిన్‌ను మరియు ఆయన కుటుంబ సభ్యులను టార్గెట్ చేస్తూ అపహాస్యంగా మాట్లాడారని ఆరోపించారు.

విజయ్ తన రాజకీయ లబ్ధికోసం అసత్య వ్యాఖ్యలు చేస్తూ, ప్రజల్లో అపోహలు పెంచే ప్రయత్నం చేస్తున్నారని, దీనివల్ల రాష్ట్రంలో శాంతి భద్రతలకు ముప్పు ఏర్పడే అవకాశం ఉందని ఫిర్యాదులో పేర్కొన్నారు.

వివాదాస్పద వ్యాఖ్యలు చేసిన విజయ్‌పై వెంటనే కేసు నమోదు చేసి, చట్టప్రకారం చర్యలు తీసుకోవాలని మురళీ కృష్ణన్ స్పష్టంగా డిమాండ్ చేశారు.

తమిళనాడులో ఎన్నికల వేళ విజయ్‌కు అడ్డంకిగా మారే పరిణామం?

వచ్చే ఏడాది తమిళనాడులో అసెంబ్లీ ఎన్నికలు జరగనున్న నేపథ్యంలో, ఈ తాజా పరిణామం రాజకీయంగా ప్రాధాన్యత సంతరించుకుంది. మరోసారి అధికారం నిలుపుకోవాలని డీఎంకే కసితో పనిచేస్తుండగా, ఎన్డీఏ కూటమి ఈసారి ఏలాగైనా విజయం సాధించాలని పట్టుదలగా ఉంది.

ఇలాంటి సమయంలో, తన కొత్త రాజకీయ పార్టీ ‘తమిళగ వెట్రి కళగం’తో ఎన్నికల బరిలోకి దిగుతూ ప్రజలకు ప్రత్యామ్నాయంగా నిలవాలని నటుడు విజయ్ భావిస్తున్నారు. అయితే, స్టాలిన్‌పై చేసిన వ్యాఖ్యల నేపథ్యంలో నమోదైన ఫిర్యాదు, ఆయన రాజకీయ ప్రస్థానానికి ప్రతికూలంగా మారే అవకాశం కనిపిస్తోంది. ఈ అభియోగాలు విజయ్‌కు ఒకరకంగా మైనస్‌గా మారుతాయా అన్నది ఇప్పుడు చర్చనీయాంశమైంది.