పరీక్ష లేకుండానే నేవీలో ఆఫీసర్ ఉద్యోగాలు.. భారీ జీతంతో యువతకు గోల్డెన్ ఛాన్స్

నేవీలో ఆఫీసర్ పోస్టులు.. పరీక్ష లేకుండానే ఎంపిక

Indian Navyలో ఆఫీసర్‌గా పనిచేయాలనుకునే యువతకు మంచి అవకాశం లభించింది. మొత్తం 260 ఆఫీసర్ పోస్టుల భర్తీకి నేవీ తాజాగా నోటిఫికేషన్ విడుదల చేసింది. ఈ నియామక ప్రక్రియలో ఎలాంటి రాత పరీక్ష ఉండదు. అభ్యర్థులను అకడమిక్ మెరిట్, ఇంటర్వ్యూ మరియు మెడికల్ పరీక్షల ఆధారంగా ఎంపిక చేయనున్నారు.

పోస్టును బట్టి అర్హతలు మారుతాయి. సాధారణంగా గుర్తింపు పొందిన విశ్వవిద్యాలయం నుంచి డిగ్రీ, ఇంజినీరింగ్ లేదా పీజీ అర్హత ఉండాలి. అదనంగా నిర్దిష్ట శారీరక ప్రమాణాలు కూడా తప్పనిసరి. ఈ అవకాశానికి అవివాహిత పురుషులు, మహిళలు మాత్రమే దరఖాస్తు చేసుకోవచ్చు.

ఎంపికైన అభ్యర్థులకు ప్రారంభ జీతం నెలకు సుమారు ₹1.25 లక్షల నుంచి ₹1.5 లక్షల వరకు ఉండనుంది. కేంద్ర ప్రభుత్వ నిబంధనల ప్రకారం ఇతర భత్యాలు, సౌకర్యాలు కూడా అందుతాయి. రక్షణ రంగంలో ప్రతిష్ఠాత్మక కెరీర్ కోరుకునే వారికి ఇది మంచి అవకాశంగా భావిస్తున్నారు.

ఆసక్తి ఉన్న అభ్యర్థులు ఈ నెల 24వ తేదీ వరకు అధికారిక వెబ్‌సైట్ ద్వారా ఆన్‌లైన్‌లో దరఖాస్తు చేసుకోవాలి. పూర్తి వివరాలు, అర్హతలు, పోస్టుల సమాచారం కోసం అధికారిక వెబ్‌సైట్‌ను పరిశీలించాలని అధికారులు సూచించారు.