టీమిండియా విజయంపై మెగాస్టార్ స్పెష‌ల్ పోస్ట్‌ ...... తిలక్ వర్మ, భలే ఆడావ్..

•   Main headlines  ;

• భారత్ ఘనవిజయం:
  ఆసియా కప్ ఫైనల్‌లో భారత్ పాకిస్థాన్‌పై అద్భుతమైన విజయం సాధించింది, ఈ గెలుపుతో దేశవ్యాప్తంగా ఉత్సాహం వెల్లివిరిసింది.

• చిరంజీవి అభినందనలు:
  మెగాస్టార్ చిరంజీవి టీమ్ ఇండియాను అభినందించారు. తెలుగు యువ క్రికెటర్ తిలక్ వర్మపై ప్రత్యేకంగా ప్రశంసలు కురిపించారు.

• చిరంజీవి ట్వీట్:
  సోషల్ మీడియాలో స్పందించిన చిరంజీవి, భారత జట్టు నైపుణ్యం, పట్టుదల, శాంత స్వభావాన్ని ప్రశంసిస్తూ తిలక్ వర్మ ఇన్నింగ్స్‌ను హైలైట్ చేశారు.

• ఇతర సినీ ప్రముఖుల స్పందన:
  మమ్ముట్టి, మోహన్ లాల్ లాంటి మలయాళ సూపర్ స్టార్లు కూడా భారత జట్టు ప్రదర్శనపై ప్రశంసలు వెల్లగక్కారు.

• నిఖిల్ ప్రశంసలు:
  యువ నటుడు నిఖిల్ సిద్ధార్థ తిలక్ వర్మ ఆటను కొనియాడుతూ తన ఆనందాన్ని అభిమానులతో పంచుకున్నారు.

• టీ20లో భారత్ రికార్డు:
  పాకిస్థాన్‌తో టీ20 ఫార్మాట్‌లో భారత్‌కు ఇది వరుసగా 9వ విజయం కావడం విశేషమైన విషయం.

 పూర్తి వివరాల్లోనికి వస్తే ; 

ఆసియా కప్ ఫైనల్‌ మ్యాచులో పాకిస్థాన్‌పై భారత్ ఘనవిజయం సాధించింది. ఈ చిరస్మరణీయ గెలుపుతో దేశమంతా ఉత్సాహంలో మునిగిపోయింది. భారత జట్టు చూపించిన ధైర్యం, పట్టుదలపై సినీ, రాజకీయ రంగాల నుంచి ప్రశంసలు వెల్లువెత్తుతున్నాయి. ప్రత్యేకంగా మెగాస్టార్ చిరంజీవి టీమ్ ఇండియాను అభినందిస్తూ, తెలుగు యువ క్రికెటర్ తిలక్ వర్మను ప్రత్యేకంగా ప్రశంసించారు.

సోమవారం రోజు సోషల్ మీడియా ద్వారా తన అభిప్రాయాన్ని పంచుకున్న మెగాస్టార్ చిరంజీవి, ఆసియా కప్ ఫైనల్‌లో పాకిస్థాన్‌పై భారత్ సాధించిన అద్భుత విజయాన్ని ప్రశంసించారు. "ఆ మ్యాచ్‌ ఏ స్థాయిలో సూపర్బ్‌గా ఆడారో చెప్పలేం. టీమిండియా చూపిన నైపుణ్యం, పట్టుదల, కూల్‌ మైండ్ అద్భుతం. తిలక్ వర్మ చేసిన బ్యాటింగ్ మరచిపోలేం – అతడికి ప్రత్యేక శుభాకాంక్షలు. ప్రతి భారతీయుడి గుండె గర్వంగా ఉప్పొంగిపోయే రోజు ఇది. జై హింద్!" అంటూ చిరంజీవి ట్వీట్ చేశారు.

ఇకపోతే, టీమిండియాకు శుభాకాంక్షలు తెలియజేస్తూ పలువురు సినీ ప్రముఖులు తమ స్పందనలు వ్యక్తం చేశారు. మలయాళ సినీ ప్రముఖులు మమ్ముట్టి, మోహన్ లాల్ భారత జట్టు ప్రదర్శనపై ప్రశంసల వర్షం కురిపించారు. "భారత్ కేవలం టైటిల్ గెలిచినట్లు కాదు, ఆసియా కప్‌పై దాదాగిరీ చేయడం విశేషం. టోర్నమెంట్ మొత్తం ఓటమి లేకుండానే ఛాంపియన్‌గా నిలవడం గొప్ప విషయం" అని మమ్ముట్టి పేర్కొన్నారు. మరోవైపు, యంగ్ హీరో నిఖిల్ సిద్ధార్థ తిలక్ వర్మను ప్రత్యేకంగా అభినందిస్తూ, తన ఆనందాన్ని అభిమానులతో పంచుకున్నారు. ఇక పాకిస్థాన్‌తో టీ20ల్లో భారత్‌కు ఇది వరుసగా తొమ్మిదవ విజయంగా నమోదవడం గమనార్హం.