₹150 కోట్ల హీరో.. కానీ ‘రాజాసాబ్’కి ప్రభాస్ తీసుకున్నది ఎంత తెలుసా?

‘రాజాసాబ్’ సినిమాకు ప్రభాస్ తీసుకున్న రెమ్యునరేషన్ టాలీవుడ్‌లో హాట్ టాపిక్‌గా మారింది. సాధారణంగా ఇటీవల విడుదలైన సినిమాలకు ప్రభాస్ ₹150 కోట్ల వరకు  తీసుకుంటున్న సంగతి తెలిసిందే. అయితే ‘రాజాసాబ్’ విషయంలో మాత్రం ఆయన తన రెమ్యునరేషన్‌ను తగ్గించుకుని ₹100 కోట్లకే ఒప్పుకున్నారని ఇండస్ట్రీ వర్గాల సమాచారం. ఈ నిర్ణయం వెనుక బలమైన కారణాలే ఉన్నాయని టాలీవుడ్ ట్రేడ్ వర్గాలు చెబుతున్నాయి.

‘రాజాసాబ్’ సినిమా ప్రభాస్ కెరీర్‌లో జానర్ పరంగా పూర్తిగా భిన్నమైన ప్రయత్నంగా తెరకెక్కుతోంది. హారర్, ఫాంటసీ, కామెడీ ఎలిమెంట్స్ తో ఈ చిత్రాన్ని దర్శకుడు మారుతి రూపొందిస్తున్నారు. ఈ చిత్రానికి  భారీగా విజువల్ ఎఫెక్ట్స్ అవసరం కావడంతో VFX వర్క్‌పైనే పెద్ద మొత్తంలో బడ్జెట్ కేటాయించినట్లు తెలుస్తోంది. అంతేకాదు, సినిమాలో కనిపించే సెట్స్ కూడా భారీ స్థాయిలో నిర్మించడంతో ప్రొడక్షన్ ఖర్చులు గణనీయంగా పెరిగినట్లు సమాచారం.

ఈ పరిస్థితుల్లో సినిమా క్వాలిటీపై ఎలాంటి రాజీ పడకూడదన్న ఉద్దేశంతో ప్రభాస్ తన రెమ్యునరేషన్   తగ్గించుకున్నారనే టాక్ వస్తుంది.   పాత్ర ప్రెజెంటేషన్, యాక్షన్ సీక్వెన్సులు ప్రేక్షకులను ఆకట్టుకునేలా ఉండాలనే ఆలోచనతో నిర్మాతలకు సహకరించారని అంటున్నారు. ఇప్పటికే ప్రభాస్ చేస్తున్న భారీ బడ్జెట్ సినిమాల నేపథ్యంలో ‘రాజాసాబ్’ను కూడా టాప్ క్లాస్ విజువల్స్‌తో తెరకెక్కించాలన్నది టీమ్ లక్ష్యంగా పెట్టుకుంది.

ఇక దర్శకుడు మారుతి ఈ సినిమాకు ₹18 కోట్ల రెమ్యునరేషన్ తీసుకున్నట్లు సమాచారం. కమర్షియల్ ఎంటర్‌టైనర్‌లలో తనదైన మార్క్ ఉన్న మారుతి, ఈ సినిమాతో కొత్త ఇమేజ్ సంపాదించాలనే ఆలోచనలో ఉన్నారట. అలాగే కీలక పాత్రలో నటిస్తున్న బాలీవుడ్ నటుడు సంజయ్ దత్‌కు ₹5 కోట్లు చెల్లించినట్లు టాక్. ఆయన పాత్ర సినిమాకు ప్రధాన ఆకర్షణగా నిలుస్తుందని చెబుతున్నారు.
హీరోయిన్ల విషయానికి వస్తే రిద్ధి కుమార్‌కు ₹3 కోట్లు, మాళవికా మోహనన్‌కు ₹2 కోట్లు, నిధి అగర్వాల్‌కు ₹1.5 కోట్లు పారితోషికంగా అందినట్లు తెలుస్తోంది. స్టార్ క్యాస్టింగ్‌తో పాటు టెక్నికల్ టీమ్‌కూ భారీ రెమ్యునరేషన్లు ఇచ్చినట్లు సమాచారం. ముఖ్యంగా సినిమాటోగ్రఫీ, VFX, బ్యాక్‌గ్రౌండ్ స్కోర్ కోసం టాప్ టెక్నీషియన్లను తీసుకున్నారని టాలీవుడ్‌లో చర్చ జరుగుతోంది.

మొత్తంగా ‘రాజాసాబ్’ సినిమాపై నిర్మాతలు ఎక్కడా రాజీ పడకుండా ఖర్చు చేస్తున్నారని ట్రేడ్ వర్గాలు అంచనా వేస్తున్నాయి. ప్రభాస్ ఫ్యాన్స్‌కు ఇది ఒక ప్రత్యేకమైన సినిమా అవుతుందని, ఆయనను కొత్త కోణంలో చూడబోతున్నామని అభిమానులు ఆశాభావం వ్యక్తం చేస్తున్నారు. రిలీజ్ దగ్గర పడుతున్న కొద్దీ ఈ సినిమా బడ్జెట్, బిజినెస్, కలెక్షన్లపై మరింత ఆసక్తికరమైన వార్తలు వెలువడే అవకాశముందని టాలీవుడ్ వర్గాలు భావిస్తున్నాయి.

రెబల్ స్టార్ ప్రభాస్ ఈ సినిమా కోసం ఎంత కష్టపడ్డాడు! అభిమానులు నేరుగా ఈ సినిమా చూసి తెలుసుకున్నారు. ఇంకా ప్రభాస్ అనేక  మంచి సినిమాలు తీయాలి అని అభిమానులు ఆశ పడుతున్నారు. మరి ప్రభాస్ ముందున్న చిత్రం ఏంటో తెలుసా? అదెప్పుడు రిలీజ్ అవుతుందో తెలుసా? ప్రభాస్ హీరోగా నటించిన సినిమా మీకు ఏ సినిమా అంటే ఇష్టమో మీ అభిప్రాయాన్ని తెలియజేయండి.