అణు కేంద్రాల రక్షణకు ఇరాన్ భారీ వ్యూహం.. భూగర్భ కోటలుగా మారుస్తున్న సదుపాయాలు

అమెరికా ఒత్తిడి పెరుగుతున్న నేపథ్యంలో ఇరాన్ తన అణు మౌలిక వసతుల రక్షణకు భారీ వ్యూహాన్ని అమలు చేస్తున్నట్లు తాజా సమాచారం సూచిస్తోంది. ముఖ్యంగా సైనిక ప్రాధాన్యత కలిగిన కేంద్రాలను శత్రు దాడుల నుంచి కాపాడేందుకు భూగర్భ నిర్మాణాలుగా మార్చే పనులు వేగవంతం చేసినట్లు విశ్లేషకులు చెబుతున్నారు. శాటిలైట్ చిత్రాల్లో పర్చిన్ ప్రాంతంలోని తలేఘన్-2 కేంద్రాన్ని మందమైన కాంక్రీట్ పొరలు, మట్టి గుట్టలతో కప్పి బయటకు కనిపించకుండా బంకర్ తరహాలో రూపుదిద్దుతున్నట్లు కనిపిస్తోంది.

అదే విధంగా నతాంజ్, ఇస్ఫాహన్ ప్రాంతాల్లోని టన్నెల్ ప్రవేశ ద్వారాలను కూడా మట్టితో పూడ్చి రహస్యంగా మార్చే ప్రయత్నాలు జరుగుతున్నట్లు సమాచారం. ఒకవైపు అణు కార్యక్రమంపై అంతర్జాతీయ చర్చలు కొనసాగుతున్నప్పటికీ, మరోవైపు యుద్ధ పరిస్థితులు తలెత్తినా కీలక అణు ఆస్తులు దెబ్బతినకుండా ఉండేలా ముందస్తు చర్యలు తీసుకుంటోంది.

ప్రత్యేకించి అమెరికా నుంచి వచ్చే సైనిక ఒత్తిడి, ఇజ్రాయెల్ దాడి అవకాశాల నేపథ్యంలో ఈ రక్షణ ప్రణాళిక రూపొందించినట్లు భావిస్తున్నారు. భూగర్భ నిర్మాణాలు, కప్పివేత పద్ధతులు, బలమైన కాంక్రీట్ షెల్టర్లు వంటి చర్యల ద్వారా అణు కేంద్రాలను గుర్తించడం కష్టమయ్యేలా చేయడం ఇరాన్ లక్ష్యంగా కనిపిస్తోంది. నిపుణుల అభిప్రాయం ప్రకారం ఇది కేవలం రక్షణ చర్య మాత్రమే