గరీబ్ రథ్ ఎక్స్‌ప్రెస్‌లో మంటలు – సిబ్బంది సకాలంలో స్పందించడంతో ప్రాణాపాయం తప్పింది

గరీబ్ రథ్ ఎక్స్‌ప్రెస్ అగ్నిప్రమాదం – 6 ముఖ్యాంశాలు:

1. ఘటన స్థలం:
   పంజాబ్‌లోని సిర్హింద్ రైల్వే స్టేషన్ సమీపంలో గరీబ్ రథ్ ఎక్స్‌ప్రెస్ రైలులో అగ్ని ప్రమాదం జరిగింది.

2. ప్రమాద సమయంలో పరిస్థితి:
   అమృత్‌సర్ నుంచి సహర్సా వెళ్తున్న (Train No. 12204) రైలు అంబాలా సమీపంలో ఉండగా, ఒక బోగీ నుంచి పొగలు రావడం గమనించబడ్డాయి.

3. సిబ్బంది అప్రమత్తత:
   సిబ్బంది మరియు ప్రయాణికులు వెంటనే లోకో పైలట్‌కు సమాచారం అందించడంతో, రైలు నిలిపివేసి ప్రయాణికులను సురక్షితంగా బయటకు తీసుకువచ్చారు.

4. ప్రాణనష్టం లేదు:
   భయంతో ప్రయాణికులు రైలు నుండి దిగి పరుగులు తీయగా, ఎవరికీ గాయాలు లేకుండా ప్రమాదం తప్పింది.

5. బోగీలు దగ్ధం:
   అగ్నిమాపక సిబ్బంది సమయానికి వచ్చి మంటలను అదుపు చేశారు. అయితే ముగ్గురు కోచ్‌లు పూర్తిగా మంటల్లో కాలిపోయినట్టు అధికారులు వెల్లడించారు.

6. దర్యాప్తు కొనసాగుతోంది:
   ప్రమాదానికి గల కారణాలు ఇంకా తెలియరాలేదు. ఘటనపై రైల్వే శాఖ దర్యాప్తు ప్రారంభించింది. ఈ ఘటనతో రైళ్ల రాకపోకలకు తాత్కాలికంగా అంతరాయం ఏర్పడింది. 

పూర్తి వివరాల్లోనికి వస్తే ; 

గరీబ్ రథ్ ఎక్స్‌ప్రెస్‌లో అగ్నిప్రమాదం కలకలం – సిబ్బంది చొరవతో ప్రమాదం తప్పింది

పంజాబ్‌లో ప్రయాణికులతో వెళ్తున్న గరీబ్ రథ్ ఎక్స్‌ప్రెస్‌లో ఆగ్నేయ ప్రమాదం కలకలం రేపింది. అయితే, రైల్వే సిబ్బంది సమయస్ఫూర్తితో స్పందించడంతో ప్రయాణికులందరూ సురక్షితంగా బయటపడగలిగారు. ఈ ఘటన సిర్హింద్ రైల్వే స్టేషన్ సమీపంలో చోటు చేసుకుంది.

వివరాల్లోకి వెళితే...
అమృత్‌సర్ నుంచి సహర్సా వెళ్తున్న గరీబ్ రథ్ ఎక్స్‌ప్రెస్ రైలు (ట్రైన్ నంబర్ 12204) అంబాలాకు సుమారు అర కిలోమీటరు దూరంలో ఉన్న సమయంలో ఒక కోచ్ (బోగీ) నుంచి పొగలు రావడం గమనించబడ్డాయి. ఈ దృశ్యాన్ని మొదట గమనించిన సిబ్బంది మరియు కొంతమంది ప్రయాణికులు వెంటనే లోకో పైలట్‌కు సమాచారం అందించారు.

అప్రమత్తమైన లోకో పైలట్ తక్షణమే రైలును ఆపివేశారు. ఈ సమయంలో భయంతో ప్రయాణికులు ఒక్కసారిగా బోగీల నుండి కిందికి దిగి పరుగులు తీశారు. అదృష్టవశాత్తు ఎవరికీ ఎలాంటి గాయాలు కాకుండా ప్రమాదం నుంచి బయటపడ్డారు. 

సకాలంలో స్పందించిన అగ్నిమాపక సిబ్బంది – మూడు బోగీలు కాలిపోయినా ప్రయాణికులెవరూ గాయపడలేదు

సమాచారం అందిన వెంటనే అగ్నిమాపక విభాగం సిబ్బంది తక్షణమే ఘటనాస్థలానికి చేరుకుని మంటలను అదుపులోకి తీసుకువచ్చారు. ప్రయాణికులను సమయానికి రైలు నుంచి కిందికి దింపడంతో ఎలాంటి ప్రాణనష్టం జరగలేదని సిర్హింద్ జీఆర్పీ ఎస్‌హెచ్‌ఓ రతన్ లాల్ తెలిపారు. అయితే ఈ అగ్ని ప్రమాదంలో మూడు కోచ్‌లు పూర్తిగా దగ్ధమయ్యాయని ఆయన వివరించారు.

ప్రమాదానికి గల ఖచ్చితమైన కారణాలు ఇప్పటికీ తెలియరాలేదని, దీనిపై పూర్తి స్థాయిలో దర్యాప్తు కొనసాగుతోందని రైల్వే శాఖ అధికారులు వెల్లడించారు. ఈ ఘటన కారణంగా ఆ రూట్‌లో రైళ్ల రాకపోకలకు తాత్కాలికంగా అంతరాయం ఏర్పడింది. అయితే, అధికారులు వెంటనే ప్రత్యామ్నాయ ఏర్పాట్లు చేసి ప్రయాణికులను వారి గమ్యస్థానాలకు పంపించారు.