దొంగ-పోలీస్ గేమ్ పేరుతో అత్తను దారుణంగా చంపేసిన కోడలు

విశాఖ పెందుర్తిలో దొంగ-పోలీస్ ఆట పేరుతో కోడలు అత్తను దారుణంగా చంపేసిన ఘటన సంచలనం రేపింది. హత్యా నాటకం విచారణలో బట్టబయలైంది – Fourth Line News.

fln

Nov 8, 2025 - 20:39

0 3

దొంగ-పోలీస్ గేమ్ పేరుతో అత్తను దారుణంగా చంపేసిన కోడలు

విశాఖలో షాక్ ఇచ్చిన కోడలు హత్య

విశాఖ జిల్లా పెందుర్తిలో చోటుచేసుకున్న ఓ దారుణ ఘటన స్థానికులను షాక్‌కు గురిచేసింది. దొంగ-పోలీస్ ఆట పేరుతో కోడలు తన అత్తను చంపేసిన ఘటన వెలుగులోకి వచ్చింది.

స్థానికుల సమాచారం మేరకు, మహాలక్ష్మీ (63), ఆమె కోడలు లలిత మధ్య కొంతకాలంగా గొడవలు కొనసాగుతున్నాయి. ఈ క్రమంలో లలిత తన అత్తపై పగ పెంచుకుని, ఆట పేరుతో చంపేసింది.

దొంగ-పోలీస్ ఆడుదామని చెప్పి మహాలక్ష్మీ కళ్లకు గంతలు కట్టి, చేతులు, కాళ్లు బంధించింది. ఆ తరువాత ఆమెపై పెట్రోల్ పోసి నిప్పంటించింది. తీవ్ర గాయాలతో ఆమె అక్కడికక్కడే మరణించింది.

ప్రారంభంలో దీపం అంటుకొని చనిపోయిందని పోలీసులకు సమాచారం ఇచ్చిన లలిత, విచారణలో తన హత్యా నాటకం బయటపడింది. పోలీసులు ఆమెను అదుపులోకి తీసుకుని కేసు నమోదు చేశారు