రైతుల ఖాతాల్లోకి రైతు భరోసా డబ్బులు.. ₹9,000 కోట్ల రుణంతో తెలంగాణ ప్రభుత్వ కీలక అడుగు

* తెలంగాణ రైతులందరికీ ఒక గుడ్ న్యూస్. 

* రైతు భరోసా, ప్రకటించిన కాంగ్రెస్ ప్రభుత్వం 

* రైతు భరోసా కోసం తొమ్మిది వేల కోట్లు ప్రభుత్వం కేటాయింపు. 

* పూర్తి వివరాల్లోనికి వెళితే: 

 fourth line news : రైతుల ఖాతాల్లోకి డబ్బులు జమయ్యే దిశగా తెలంగాణ ప్రభుత్వం కీలక అడుగు

తెలంగాణలో యాసంగి సాగుకు సంబంధించి రైతులకు రైతు భరోసా నిధులు అందించేందుకు ప్రభుత్వం కీలక నిర్ణయం తీసుకుంది. రైతులకు హామీ ఇచ్చిన ఆర్థిక సహాయాన్ని అమలు చేయడానికి అవసరమైన నిధుల సమీకరణ కోసం ప్రభుత్వం రిజర్వ్ బ్యాంక్ ఆఫ్ ఇండియా (RBI)ను ఆశ్రయించింది. ఇందుకోసం మొత్తం రూ.9,000 కోట్ల రుణం తీసుకునేందుకు ఇండెంటు పంపింది.

ప్రభుత్వం ఈ రుణాన్ని వివిధ కాలపరిమితులతో తీసుకోనుంది. 13 ఏళ్ల కాలపరిమితితో రూ.2,000 కోట్లు, 16 ఏళ్ల కాలపరిమితితో మరో రూ.2,000 కోట్లు, 21 ఏళ్ల కాలపరిమితితో రూ.2,500 కోట్లు, 27 ఏళ్ల కాలపరిమితితో రూ.2,500 కోట్లు రుణంగా సమీకరించనుంది. ఈ రుణం ఈ నెల 10న ప్రభుత్వ ఖాతాలో జమ కానుంది. దీంతో రైతు భరోసా నిధుల పంపిణీకి ప్రభుత్వం ఆర్థికంగా సిద్ధమవుతున్నట్లు స్పష్టమవుతోంది.

ముఖ్యమంత్రి ఇప్పటికే మున్సిపల్ ఎన్నికల తర్వాత రైతు భరోసా నిధులు విడుదల చేస్తామని ప్రకటించారు. ఒక్కో ఎకరాకు రూ.6,000 చొప్పున రైతులకు అందజేయనున్నట్లు ప్రభుత్వం వెల్లడించింది. ఇది యాసంగి సాగు సమయంలో రైతులకు పెద్ద ఊరటగా మారనుంది.

రైతు భరోసా నిధులు వ్యవసాయ రంగానికి కీలకంగా మారాయి. విత్తనాలు, ఎరువులు, కూలీల ఖర్చులు పెరిగిన నేపథ్యంలో ఈ సాయం రైతులకు ఆర్థికంగా తోడ్పడనుంది. ప్రభుత్వం తీసుకున్న తాజా రుణ నిర్ణయం రైతులకు ఇచ్చిన హామీల అమలుకు దారి తీస్తుందని విశ్లేషకులు భావిస్తున్నారు.

ఇప్పుడు రైతుల దృష్టి మొత్తం నిధుల విడుదలపైనే ఉంది. ప్రభుత్వం ప్రకటించిన టైమ్‌లైన్ ప్రకారం రైతుల ఖాతాల్లో డబ్బులు జమైతే, యాసంగి సాగుకు ఇది పెద్ద ప్రోత్సాహంగా మారనుంది. ఈ వార్తను మీ రైతులందరికీ షేర్ చేయండి. వారికి కూడా ఇవార్త ఉపయోగపడింది. ఈ రైతు భరిస్తూ పై మీ యొక్క అభిప్రాయాన్ని తెలియజేయండి.