పాకిస్థాన్ తో అలాంటి ఒప్పందమేమీ కుదుర్చుకోలేదని వివరణ .... పుతిన్ ఏమన్నారంటే..!

•      Main headlines ; 

• పలు అంతర్జాతీయ మీడియా రిపోర్టుల ప్రకారం, రష్యా పాకిస్థాన్ వాడుతున్న చైనా తయారీ జేఎఫ్-17 యుద్ధ విమానాలకు అవసరమైన ఇంజన్లను సరఫరా చేస్తోంది.

• ఈ సమాచారాన్ని ఆధారంగా తీసుకుని, కాంగ్రెస్ పార్టీ బీజేపీ ప్రభుత్వాన్ని తీవ్రంగా విమర్శించింది.

• ప్రధాని మోదీ రష్యాను అత్యంత సన్నిహిత వ్యాపార భాగస్వామిగా పేర్కొన్నప్పటికీ, రష్యా పాక్‌కు మద్దతు ఇవ్వడం ఇబ్బందికరమని కాంగ్రెస్ నేతలు అభిప్రాయపడ్డారు.

• కాంగ్రెస్ నేతలు ప్రధాని మోదీ పరిపాలనలో విదేశీ సంబంధాలలో వైఫల్యం ఉందని, జాతీయ ప్రయోజనాల కంటే వ్యక్తిగత ప్రతిష్టను ఎక్కువ ప్రాధాన్యం ఇచ్చాడని అన్నారు.

• రష్యా పాక్‌కు సహకరించడం ఎందుకు జరుగుతుందో మోదీ ప్రభుత్వం స్పష్టమైన వివరణ ఇవ్వాలని డిమాండ్ చేశారు.

• ప్రస్తుతం దౌత్య రంగంలో ప్రధాని మోదీ పాక్‌ను ఒంటరిగా చేయడంలో విఫలమవుతున్నారని కాంగ్రెస్ నేతలు విమర్శించారు.

 పూర్తి వివరాల్లోనికి వస్తే ; 

రష్యా అధ్యక్షుడు వ్లాదిమిర్ పుతిన్ ఇటీవల వ్యాఖ్యలు చేసి, భారతదేశాన్ని తమ చిరకాల మిత్రుడిగా భావిస్తున్నామని స్పష్టం చేశారు. అయితే, పాకిస్తాన్‌తో యుద్ధ విమానాల ఇంజన్లు సరఫరా చేయడం లేదా వాణిజ్య ఒప్పందాలు కుదుర్చుకోవడం వంటి వార్తలు అసత్యమని నివేదించారు. భారత్‌కు వ్యతిరేకంగా ఎలాంటి చర్యలను తాము ఎప్పటికీ అనుమతించమని రష్యా ప్రభుత్వం సాఫ్ట్‌గా తెలియజేసింది.

రష్యా-భారత వాణిజ్య సంబంధాలు విస్తృతంగా కొనసాగుతున్న నేపథ్యంలో, పాక్‌కు మద్దతుగా ఉన్నట్లుగా ప్రచారాలు చేస్తున్న విషయం తప్పుడు ప్రచారం అని అధికార వర్గాలు పేర్కొన్నారు. అయితే, ఈ అంశంపై అధికారిక ప్రకటన లేకపోవడం ప్రత్యేకంగా గమనార్హం.

చైనా తయారీ జేఎఫ్-17 ఫైటర్ విమానాలకు అవసరమైన ఇంజన్లను రష్యా పాకిస్థాన్‌కు అందిస్తున్నట్లు పలు అంతర్జాతీయ మీడియా సంస్థలు నివేదించాయి. ఈ కథనాలను ఆధారంగా తీసుకుని, కాంగ్రెస్ పార్టీ బీజేపీపై తీవ్ర విమర్శలు చేయడం జరిగింది.

ప్రధాని మోదీ రష్యాను అత్యంత సన్నిహితమైన వ్యాపార భాగస్వామిగా ప్రస్తావిస్తుండగా, ఆ దేశం మన శత్రువైన పాకిస్థాన్‌కు మద్దతు ఇస్తున్నదని కాంగ్రెస్‌ సీనియర్ నేత జైరాం రమేశ్ తీవ్రంగా పేర్కొన్నారు.

ఇది ఇతర దేశాలతో సంబంధాల విషయంలో ప్రధాని మోదీ పరాజయంగా నిలిచారని కాంగ్రెస్ నేతలు విమర్శించారు. జాతీయ ప్రయోజనాల కంటే, మోదీ తన వ్యక్తిగత ప్రతిష్టను పెంచుకునే విషయాలను ఎక్కువ ప్రాధాన్యం ఇస్తున్నారని తీవ్రంగా ఆరోపించారు.

రష్యా పాక్‌కు సహాయం అందిస్తున్న కారణాలను మోదీ ప్రభుత్వం పంచుకోవాలని వారు డిమాండ్ చేశారు. అలాగే, ప్రధాని మోదీ ఇప్పటికీ దౌత్యంగా పాక్‌ను ఒంటరిపడవేస్తేలా చేయలేకపోతున్నారని జైరాం రమేశ్ స్పష్టంగా విమర్శించారు.