జూబ్లీహిల్స్ ఉప ఎన్నికల్లో బీఆర్ఎస్ హవా: కేసీఆర్ ధీమా

Main headlines ;

1. జూబ్లీహిల్స్‌లో బీఆర్ఎస్‌కు విజయం సాధించే అవకాశాలు ఎక్కువ

కేసీఆర్ అభిప్రాయంతో పాటు వచ్చిన సర్వేలు, ఫీడ్‌బ్యాక్‌లు బీఆర్ఎస్‌కు అనుకూలంగా ఉన్నట్లు చెబుతున్నాయి.

2. క్షేత్రస్థాయిలో కార్యకర్తలు అప్రమత్తంగా ఉండాలని సూచన

పార్టీ భావజాలం, ప్రాధాన్యతను ఓటర్లకు వివరించడంలో కార్యకర్తలు చురుకుగా పాల్గొనాలని కేసీఆర్ సూచించారు.

3. కాంగ్రెస్ ప్రభుత్వం హామీలను అమలు చేయడంలో విఫలం

ప్రజలకు ఇచ్చిన హామీలను నెరవేర్చలేకపోవడం వల్ల కాంగ్రెస్ పట్ల ప్రజల విశ్వాసం తగ్గిందని కేసీఆర్ ఆరోపించారు.

4. జూబ్లీహిల్స్ ప్రజలు కాంగ్రెస్‌కు గుణపాఠం చెబుతారు

ఈ ఉప ఎన్నికలో కాంగ్రెస్‌కు తగిన బుద్ధి చెబుతారనే విశ్వాసాన్ని కేసీఆర్ వ్యక్తం చేశారు.

5. స్థానిక సంస్థల ఎన్నికల నేపథ్యంలో పార్టీ శ్రేణులకు సన్నద్ధత ఆదేశం

తరువాత జరిగే స్థానిక ఎన్నికల దృష్ట్యా కార్యకర్తలంతా సిద్ధంగా ఉండాలని చెప్పారు

6. బీఆర్ఎస్ కీలక నేతలతో ఎర్రవెల్లిలో సమావేశం

కేటీఆర్, హరీష్ రావు, మహమూద్ అలీ, సబితా, పద్మారావు గౌడ్ తదితరులతో కేసీఆర్ సమీక్ష సమావేశం నిర్వహించారు.

పూర్తి వివరాల్లోనికి వస్తే ;

జూబ్లీహిల్స్ ఉప ఎన్నికల్లో భారీ మెజార్టీ సాధించే అవకాశాలు: కేసీఆర్

తరువాత జరగనున్న జూబ్లీహిల్స్ ఉప ఎన్నికల్లో బీఆర్ఎస్ అభ్యర్థి స్పష్టమైన విజయాన్ని నమోదు చేయనున్నట్లు పార్టీ అధినేత కల్వకుంట్ల చంద్రశేఖర్ రావు అభిప్రాయపడ్డారు. అన్ని సర్వేలు, ఫీడ్బ్యాక్‌లు తమ పార్టీకి అనుకూలంగా ఉన్నాయని ఆయన చెప్పారు.

శుక్రవారం ఎర్రవెల్లిలో  జరిగిన సమావేశంలో ఆయన మాట్లాడారు. ఈ సమావేశానికి పార్టీ వర్కింగ్ ప్రెసిడెంట్ కేటీఆర్, మాజీ మంత్రులు హరీశ్ రావు, మహమూద్ అలీ, సబితా ఇంద్రారెడ్డి, పద్మారావు గౌడ్‌తో పాటు అనేకమంది కీలక నేతలు హాజరయ్యారు.

జూబ్లీహిల్స్‌లో బీఆర్ఎస్‌కు అనుకూల పరిస్థితులే: కేసీఆర్

జూబ్లీహిల్స్ ఉప ఎన్నికల్లో ప్రతి అంశం బీఆర్ఎస్‌కు మేలు చేసేలా ఉందని వచ్చిన నివేదికలు స్పష్టం చేస్తున్నాయని పార్టీ అధినేత కేసీఆర్ పేర్కొన్నారు. ఈ సందర్భంగా ఆయన మాట్లాడుతూ, స్థానికంగా క్షేత్రస్థాయిలో పనిచేస్తున్న కార్యకర్తలందరూ మరింత చురుగ్గా వ్యవహరించి, ఓటర్లకు పార్టీ భావజాలాన్ని, ప్రాధాన్యతను వివరించాలన్నారు.

ఇక రాష్ట్రంలో అధికారంలో ఉన్న కాంగ్రెస్ పార్టీ ఇచ్చిన హామీలను అమలు చేయడంలో పూర్తిగా విఫలమైందని విమర్శించారు. దీంతో ప్రజల్లో ఆ పార్టీపై నమ్మకం తగ్గిపోయిందని కేసీఆర్ తెలిపారు.

జూబ్లీహిల్స్ ప్రజలు ఈసారి కాంగ్రెస్‌కు తగిన బుద్ధి చెబుతారని ఆయన విశ్వాసం వ్యక్తం చేశారు. త్వరలో జరిగే స్థానిక సంస్థల ఎన్నికలను దృష్టిలో ఉంచుకుని, పార్టీ శ్రేణులంతా ఇప్పటినుంచే సిద్ధంగా ఉండాలని సూచించారు.