మున్సిపాలిటీల్లోనూ ఇందిరమ్మ ఇళ్లు.. మీకు ఇందిరమ్మ ఇల్లు కావాలా...!

* ప్రతి మున్సిపాలిటీలోనూ ఇందిరమ్మ ఇల్లు ఇస్తాం. 

* తెలంగాణ ఉప ముఖ్యమంత్రి హామీ 

* ఇప్పటి గ్రామ పల్లెల్లోనూ 4.50 లక్షల ఇల్లు ఇచ్చావు 

* స్థలమున్నవారికి g + 2 ఇల్లు నిర్మాణం సహాయం 

* పూర్తి వివరాల్లోనికి వెళ్తే : 

ఫోర్త్ లైన్ ప్రతినిధి : తెలంగాణలో పేదలకు గృహ భద్రత కల్పించడమే లక్ష్యంగా ప్రభుత్వం కీలక అడుగులు వేస్తోంది. తాజాగా డిప్యూటీ సీఎం భట్టి విక్రమార్క పట్టణ ప్రాంత పేదలకు కూడా ఇందిరమ్మ ఇళ్ల పథకాన్ని విస్తరించనున్నట్లు ప్రకటించారు. త్వరలో మున్సిపాలిటీల్లోనూ ఇందిరమ్మ ఇళ్లు మంజూరు చేస్తామని స్పష్టం చేశారు.

రాష్ట్రంలోని గ్రామీణ ప్రాంతాల్లో ఇప్పటికే పేదల కోసం 4.50 లక్షల గృహాలు నిర్మించామని భట్టి తెలిపారు. పేదలకు సొంత ఇంటి కలను నెరవేర్చడమే ప్రభుత్వ ప్రధాన లక్ష్యమని పేర్కొన్నారు. స్థలం ఉన్న లబ్ధిదారులకు అక్కడే ఇళ్లు నిర్మించి ఇవ్వనున్నట్లు, స్థలం లేని వారికి జీ+2 తరహాలో బహుళ అంతస్తు గృహాలు నిర్మించి అందిస్తామని చెప్పారు.

పట్టణీకరణ పెరుగుతున్న నేపథ్యంలో నగరాల్లో నివాస సమస్య తీవ్రంగా ఉందని, దీనికి శాశ్వత పరిష్కారం చూపేందుకు ప్రభుత్వం కట్టుబడి ఉందని భట్టి వ్యాఖ్యానించారు. మున్సిపాలిటీల్లో పేదలకు ఇళ్లు అందించడం ద్వారా వారి జీవన ప్రమాణం మెరుగవుతుందని, సామాజిక భద్రత మరింత బలోపేతమవుతుందని ఆయన అభిప్రాయపడ్డారు.

అన్ని వర్గాల సంక్షేమమే ప్రభుత్వ ధ్యేయమని భట్టి మరోసారి స్పష్టం చేశారు. రైతులు, కార్మికులు, మహిళలు, యువత, పట్టణ పేదలు—అందరికీ సమానంగా సంక్షేమ పథకాలు అమలు చేయడమే లక్ష్యమని చెప్పారు. రాష్ట్ర అభివృద్ధి కోసం ప్రభుత్వం అన్ని రంగాల్లో సమగ్రంగా కృషి చేస్తోందని తెలిపారు.

ఇందిరమ్మ ఇళ్ల పథకం గ్రామీణ ప్రాంతాల్లో ఇప్పటికే వేలాది కుటుంబాలకు సొంత ఇంటి కలను సాకారం చేసింది. ఇప్పుడు అదే పథకం పట్టణాలకు విస్తరించనుండటంతో నగర పేదలకు కూడా పెద్ద ఊరట లభించనుంది. ఈ వార్త మీకు తెలిసిన వారందరికీ షేర్ చేయండి. ఈ వార్తపై మీకు అభిప్రాయాన్ని తెలియజేయండి.