ఎర్రకోట metro వద్ద ఘోర పేలుడు: 8 ప్రాణాలు కోల్పోగా, ఉగ్రవాదుల .. పై అనుమానాలు

• ఘటన స్థలం మరియు సమయం:
  దేశ రాజధాని ఢిల్లీ ఎర్రకోట మెట్రో స్టేషన్ దగ్గర సోమవారం సాయంత్రం బలమైన పేలుడు సంభవించింది.

• ప్రాణ నష్టం మరియు గాయపడ్డవారి సంఖ్య:
  ఈ దుర్ఘటనలో 8 మంది మృతి చెందారు, మరికొందరు తీవ్రంగా గాయపడ్డారు.

• కేంద్ర ప్రభుత్వ ప్రతిక్రియ:
  ప్రధానమంత్రి నరేంద్ర మోదీ, హోంమంత్రి అమిత్ షా ఘటనా స్థితిని సమీక్షించారు; అన్ని భద్రతా చర్యలు దేశవ్యాప్తంగా కఠినంగా అమలు చేయబడ్డాయి.

• పోలీసు, ఐబీ, మరియు ఎన్ఐఏ చర్యలు:
  ఢిల్లీ పోలీస్ కమిషనర్, ఐబీ చీఫ్ మరియు ఎన్ఐఏ డైరెక్టర్ తో ఫోన్ ద్వారా సమన్వయం చేశారు; వెంటనే ఘటనా స్థలానికి ఎన్ఐఏ బృందాన్ని పంపించారు.

• సహాయక చర్యలు:
  గాయపడిన వారిని సమీప ఎల్ఎన్‌జేపీ ఆసుపత్రికి తరలించగా, ఘటనా ప్రాంతంలో అగ్నిమాపక యంత్రాలు మంటలను అదుపులోకి తెచ్చాయి; రద్దీ పరిస్థితుల కారణంగా కొంత ఆటంకం ఏర్పడింది.

• సందర్భం మరియు ఉగ్రవాద సంబంధాలు:
  సోషల్ మీడియాలో ఈ ఘటనా ఉగ్రవాదుల పనేనని ప్రచారం జరుగుతోంది. అదే రోజు హర్యానా ఫరీదాబాద్‌లో జమ్మూకశ్మీర్ పోలీసులు JeM మరియు అన్సార్ ఘజ్వత్-ఉల్-హింద్ కు సంబంధించిన ఉగ్రవాద ముఠాను ధ్వంసం చేసి, 2,900 కిలోల పేలుడు పదార్థాలు, రైఫిళ్లు, పిస్టళ్లు స్వాధీనం చేసుకున్నారు.

దేశ రాజధాని ఢిల్లీ సోమవారం సాయంత్రం భారీ పేలుడు ఘటనతో భయాందోళన గా మారింది  ఎర్రకోట మెట్రో స్టేషన్ దగ్గర పార్క్ చేసిన కొన్ని కార్లలో బలమైన పేలుడు సంభవించింది. ఈ దుర్ఘటనలో 8 మంది ప్రాణాలు కోల్పోయారు, మరికొందరు తీవ్రంగా గాయపడ్డారు. ఈ ఘటనతో కేంద్ర ప్రభుత్వం అప్రమత్తమై, దేశవ్యాప్తంగా భద్రత చర్యలను కఠినంగా అమలు చేసింది. ముఖ్యంగా ఢిల్లీ, ముంబై, ఉత్తరప్రదేశ్ రాష్ట్రాలలో హై అలర్ట్ ప్రకటించింది.

పేలుడు సంభవించిన వెంటనే ప్రధానమంత్రి నరేంద్ర మోదీ, కేంద్ర హోంమంత్రి అమిత్ షాతో ఫోన్‌లో మాట్లాడి పరిస్థితిని సమీక్షించారు. హోంమంత్రి అమిత్ షా వెంటనే ఢిల్లీ పోలీస్ కమిషనర్ సతీశ్ గొల్చా మరియు ఇంటెలిజెన్స్ బ్యూరో (ఐబీ) చీఫ్ తపన్ డేకాతో ఫోన్‌లో సమన్వయం చేసారు. అంతేకాక, జాతీయ దర్యాప్తు సంస్థ (ఎన్ఐఏ) డైరెక్టర్ జనరల్ సదానంద్ వసంత్‌తో ఫోన్‌లో సంప్రదించి, వెంటనే ఎన్ఐఏ బృందాన్ని ఘటనాస్థలానికి పంపేలా ఆదేశించారు.

గాయపడ్డ వారిని తక్షణ చికిత్స కోసం సమీప ఎల్ఎన్‌జేపీ ఆసుపత్రికి తరలించారు. ఎర్రకోట పరిసర ప్రాంతాలు భారీగా రద్దీగా ఉండటంతో సహాయక చర్యల్లో కొన్ని అవరోధాలు ఎదురయ్యాయి. ఘటనాస్థలికి పలు అగ్నిమాపక యంత్రాలు చేరి, మంటలను పూర్తిగా అదుపులోకి తెచ్చాయి. ఇక మరోవైపు, నాగ్‌పూర్‌లోని ఆర్‌ఎస్‌ఎస్ ప్రధాన కార్యాలయం వద్ద కూడా భద్రతను మరింత కఠినంగా ఏర్పాటుచేశారు. 

సోషల్ మీడియాలో ఈ ఘటన ఉగ్రవాదుల పనేనని ప్రచారం జరుగుతున్నప్పటికీ, అధికారుల నుండి ఇంకా ఎలాంటి అధికారిక ప్రకటన రాలేదు. అయితే, ఇదే రోజు ఉదయం, ఢిల్లీ సమీపంలో హర్యానా ఫరీదాబాద్‌లో జమ్మూకశ్మీర్ పోలీసులు జైషే మహ్మద్ (JeM) మరియు అన్సార్ ఘజ్వత్-ఉల్-హింద్ వంటి ఉగ్రవాద సంస్థలకు సంబంధించిన భారీ ఉగ్రవాద ముఠాను ధ్వంసం చేశారు. ఈ దాడిలో ఏడుగురు ఉగ్రవాదులను అరెస్ట్ చేసి, 2,900 కిలోల పేలుడు పదార్థాలు, ఏకే-47 రైఫిళ్లు, పిస్టళ్లు, టైమర్లు స్వాధీనం చేసుకున్నారు.

బీహార్ అసెంబ్లీ రెండో దశ ఎన్నికలకు ఒక రోజు ముందు దేశ రాజధానిలో జరిగిన ఈ తీవ్ర పేలుడు తీవ్ర కలకలం సృష్టించింది.