ఖమ్మంపై దిత్వా ఎఫెక్ట్.. 50 వేల ఎకరాల మిర్చికి ముప్పు

1. దిత్వా తుఫాను వల్ల ఖమ్మం రైతులకు ప్రమాదం ? 
2. ఖమ్మం జిల్లాలో 50 ఎకరాల మిర్చి. 
3. వర్షం పడితే రైతులంతా కష్టాలలోకే? 
4. ఈ తుఫాన్ ప్రభావం ఖమ్మం జిల్లా పైనుంటుందా? 

 ఖమ్మం  ఫోర్త్ లైన్ న్యూస్ కథనం ; బంగాళాఖాతంలో ఏర్పడిన దిత్వా తుఫాన్ ప్రభావం ఉమ్మడి ఖమ్మం జిల్లాపై స్పష్టంగా కనిపిస్తోంది. శనివారం ఉదయం నుంచి జిల్లాలోని పలు ప్రాంతాల్లో చిరుజల్లులు కురుస్తుండటంతో రైతాంగంలో తీవ్ర ఆందోళన నెలకొంది. వాతావరణం ఒక్కసారిగా మారిపోవడంతో ఆకాశం మేఘావృతమై, ఎప్పుడైనా భారీ వర్షాలు కురిసే అవకాశం ఉందన్న అంచనాలు రైతులను భయపెడుతున్నాయి. ముఖ్యంగా సాగు పంటలు కీలక దశలో ఉండటంతో ఈ వర్షాలు నష్టం కలిగిస్తాయేమో అన్న ఆవేదన వ్యక్తమవుతోంది.

ఉమ్మడి ఖమ్మం జిల్లా వ్యవసాయ పరంగా కీలక ప్రాంతంగా గుర్తింపు పొందింది. ఈ జిల్లాలో మిర్చి పంట సుమారు 50 వేల ఎకరాలకు పైగా కాతపూత దశలో ఉంది. ఈ దశలో వర్షం పడితే పూత రాలిపోవడం, తెగుళ్లు వ్యాప్తి చెందడం, దిగుబడి తగ్గిపోవడం వంటి ప్రమాదాలు ఎక్కువగా ఉంటాయి. ఇప్పటికే పెట్టుబడులు అధికంగా పెట్టిన మిర్చి రైతులు ఇప్పుడు ప్రకృతి దెబ్బతో తీవ్ర నష్టాన్ని చవిచూడాల్సి వస్తుందేమోనని ఆందోళన చెందుతున్నారు. ముఖ్యంగా తాలిపేరు, వైరస్ వంటి రోగాలు వ్యాపించే అవకాశం ఉందని వ్యవసాయ నిపుణులు హెచ్చరిస్తున్నారు.

ఇక మొక్కజొన్న పంట కూడా జిల్లాలో లక్షన్నర ఎకరాలకు పైగా విస్తరించి ఉంది. ప్రస్తుతం మొక్కజొన్న పంట ఎదుగుదల దశలో ఉండగా, అకస్మాత్తుగా కురిసే వర్షాలు నేలలో నీరు నిలిచిపోయే పరిస్థితిని తీసుకువస్తాయి. దీంతో మొక్కల వేర్లు కుళ్లిపోయే ప్రమాదం ఉంది. అంతేకాదు, గాలులతో కూడిన వర్షం వస్తే పంట నేలకొరిగే అవకాశం కూడా ఉందని రైతులు చెబుతున్నారు. ఇలా జరిగితే దిగుబడిపై తీవ్ర ప్రభావం పడే అవకాశం ఉంది.

వర్షాల ప్రభావం కేవలం పంటలకే పరిమితం కాకుండా సాధారణ ప్రజల జీవితాలపైనా పడనుంది. పండుగల సీజన్ కావడంతో గ్రామాల్లో ఉత్సవాలు, శుభకార్యాలు జరగాల్సి ఉంది. అయితే వాతావరణం అనుకూలించకపోతే ఈ సంబురాలకు ఆటంకం ఏర్పడే అవకాశముంది. ముఖ్యంగా గ్రామీణ ప్రాంతాల్లో బహిరంగ ప్రదేశాల్లో నిర్వహించే కార్యక్రమాలకు వర్షం పెద్ద సమస్యగా మారనుంది.

మరోవైపు, జిల్లా యంత్రాంగం అప్రమత్తమైంది. వాతావరణ శాఖ నుంచి వస్తున్న హెచ్చరికలను గమనిస్తూ ముందస్తు చర్యలు చేపడుతున్నట్లు అధికారులు తెలిపారు. రైతులు అవసరం లేని సమయంలో పొలాల్లోకి వెళ్లకుండా జాగ్రత్తలు తీసుకోవాలని, నీరు నిలిచే ప్రాంతాల్లో కాలువల ద్వారా నీటిని బయటకు పంపే ఏర్పాట్లు చేసుకోవాలని సూచిస్తున్నారు. అలాగే తెగుళ్ల నియంత్రణకు ముందస్తు చర్యలు తీసుకోవాలని వ్యవసాయ శాఖ అధికారులు రైతులకు సలహాలు ఇస్తున్నారు.

రైతులు మాత్రం ప్రభుత్వం నుంచి సహాయ చర్యలు ప్రకటించాలని కోరుతున్నారు. ఒకవేళ పంట నష్టం జరిగితే వెంటనే సర్వే నిర్వహించి నష్టపరిహారం అందించాలని డిమాండ్ చేస్తున్నారు. గత అనుభవాలను దృష్టిలో పెట్టుకుని ఈసారి అయినా ప్రభుత్వం తక్షణమే స్పందించాలని వారు ఆశిస్తున్నారు.

  మొత్తంగా దిత్వా  ఈ తుఫాను ప్రభావంతో ఖమ్మం జిల్లా ప్రజలు,  రైతులు ఈ వాతావరణానికి కొంత ఆందోళన చెందుతున్నట్టు తెలుస్తుంది. రాబోయే రోజుల్లో  వాతావరణం ఎలా ఉండబోతుందో అనే దాని పైన రైతులు భవిష్యత్తు ఆధారపడి ఉంది అని తెలుస్తుంది. ఇప్పటికే రైతులు వర్షాలు పడే పంట నష్టం జరగకూడదు అని రైతులు ప్రార్థిస్తున్నారు. మరి ఈ యొక్క వార్తపై మీకు అభిప్రాయాన్ని తెలియజేయండి.  ఫోర్త్ లైన్ న్యూస్.