కరూర్ తొక్కిసలాట ఘటన: టీవీకే అధ్యక్షుడు విజయ్ స్పందన, స్వతంత్ర విచారణకు డిమాండ్

     Main headlines ; 

• తొక్కిసలాట ప్రమాదం: సెప్టెంబర్ 27న తమిళనాడులోని కరూర్‌లో టీవీకే అధ్యక్షుడు విజయ్ నిర్వహించిన ర్యాలీలో తొక్కిసలాట జరిగి 41 మంది మృతిచెందగా, 60 మందికి పైగా గాయపడ్డారు.

• విజయ్ స్పందన: ఈ ఘటనను విజయ్ తీవ్రంగా ఖండిస్తూ, ఇది సాధారణ ప్రమాదం కాదని, పక్కా పథకంతో జరిగిన కుట్ర కోణం ఉన్నదని అనుమానం వ్యక్తం చేశారు.

• కోర్టులో పిటిషన్: నిజాలు వెలుగులోకి రావాలంటూ, టీవీకే తరఫున కోర్టును ఆశ్రయించి స్వతంత్ర విచారణ జరపాలని విజయ్ డిమాండ్ చేశారు.

• విమర్శలు – ప్రత్యుత్తరం: మృతుల కుటుంబాలను వ్యక్తిగతంగా పరామర్శించలేదన్న విమర్శలపై స్పందించిన విజయ్, తాను సరైన సమయంలో బాధితులను కలుస్తానని చెప్పారు.

• వీడియో కాల్ ద్వారా పరామర్శ: ఈరోజు ఉదయం విజయ్ వీడియో కాల్ ద్వారా మృతుల కుటుంబాలతో మాట్లాడి, వారికి ధైర్యం చెప్పారు. త్వరలో స్వయంగా వెళ్లి కలుస్తానని హామీ ఇచ్చారు.

• పరిహారం & సహాయం: టీవీకే పార్టీ తరఫున మృతుల కుటుంబాలకు ఒక్కొక్కరికి రూ.20 లక్షల పరిహారం ప్రకటించారు. గాయపడినవారిని ఆసుపత్రిలో త్వరలో పరామర్శిస్తానని విజయ్ తెలిపారు.

పూర్తి వివరాల్లోనికి వస్తే ; 

తమిళనాడులోని కరూర్‌లో టీవీకే అధ్యక్షుడు విజయ్ నిర్వహించిన ర్యాలీలో జరిగిన తొక్కిసలాట ఘటన అందరినీ కలచివేసిన విషయం తెలిసిందే. సెప్టెంబర్ 27న జరిగిన ఈ విషాదకర సంఘటనలో 41 మంది ప్రాణాలు కోల్పోగా, మరో 60 మందికి పైగా గాయాలపాలయ్యారు.

ఈ ఘటనపై స్పందించిన విజయ్, దీనిని బాధాకరంగా అభివర్ణిస్తూ, దీనికి పక్కా పథకం ఉన్న కుట్ర కోణం ఉన్నదని అనుమానాలు వ్యక్తం చేశారు. ఈ ఘటనపై నిజాలు వెలుగులోకి రావాలంటూ టీవీకే తరఫున కోర్టును ఆశ్రయించగా, స్వతంత్ర విచారణ జరిపించాలని డిమాండ్ చేశారు.

ఇదిలా ఉండగా, ఈ ఘటనలో మృతి చెందిన వారి కుటుంబాలను విజయ్ వ్యక్తిగతంగా పరామర్శించలేదన్న విమర్శలు పలువురు నుంచి వస్తున్నాయి. ఈ నేపథ్యంలో విజయ్ తాజా ప్రకటనలో, తాను పరిస్థితిని బట్టి వ్యవహరిస్తున్నానని, బాధితులకు పూర్తి స్థాయిలో న్యాయం జరిగేలా ప్రయత్నాలు సాగిస్తున్నానని స్పష్టం చేశారు.

కరూర్‌లో జరిగిన తొక్కిసలాట ఘటనపై టీవీకే చీఫ్ విజయ్ బాధిత కుటుంబాలతో నేరుగా మాట్లాడిన సంగతి తెలిసిందే. ఈరోజు ఉదయం ఆయన వీడియో కాల్‌ ద్వారా మృతుల కుటుంబాలను సంప్రదించి, తీవ్ర విషాదంలో ఉన్న వారిని ఓదార్చారు.

బంధువులను కోల్పోయి శోకసంద్రంలో మగ్గుతున్న వారికి ధైర్యం చెప్పిన విజయ్, త్వరలోనే వ్యక్తిగతంగా వచ్చి వారిని కలుస్తానని హామీ ఇచ్చారు. పార్టీకే కాదు, తన వ్యక్తిగత స్థాయిలోనూ బాధిత కుటుంబాలకు అన్ని విధాలుగా అండగా ఉంటానని భరోసా ఇచ్చారు.

తొక్కిసలాటలో గాయపడ్డవారిని కూడా త్వరలో ఆసుపత్రిలో పరామర్శిస్తానని విజయ్ తెలిపారు. ఇప్పటికే టీవీకే పార్టీ తరఫున మృతుల కుటుంబాలకు ఒక్కొక్కరికి రూ.20 లక్షల పరిహారం ప్రకటించిన విషయాన్ని మరోసారి గుర్తు చేశారు.